УЛТИМАТИВНИОТ ПРИРАЧНИК ЗА СПФ ЗАШТИТА
29 Apr

Прекумерната изложеност на ултравиолетовото (УВ) зрачење од сонцето претставува главната причина за појава на рак на кожата. УВ зрачењето е доволно високо за да предизвика изгореници од сонце, дури и во овие пролетни денови.

УВ индекст претставува меѓународно стандардизирана нумеричка скала, развиена од Светската здравствена организација, која го мери количеството на УВ зраците што допира до површината на земјата. УВ индексот почнува од 0 и нема горна граница.

Максималниот УВ индекс е единствен број што ја претставува максималната јачина на УВ индексот во денот.

Бидејќи УВ индексот и во пролетните месеци достигнува висока скала, Светската здравствена организација препорачува умерено изложување на сонце, движење под сенка и користење на креми со СПФ заштита во текот на целата година.

Советите за кремите за заштита од сонце може да бидат застрашувачки, па, еве ги сите “за” и “против” СПФ, за да се погрижите вашата кожа и сонцето да останат во пријателски односи оваа сезона, па и во текот на целата година.

ЗА СЕКОЈДНЕВНА УПОТРЕБА НА ЗАШТИТА ОД СОНЦЕ

Без разлика дали грее сонце, или пак врне, секојдневната употреба на крема со заштитен фактор е есенцијална – дури и во затворен простор. Само УВБ зраците се намалени од облаците и во текот на зимата, додека УВА зраците се присутни во текот на целата година и можат да пенетрираат дури и преку прозорците. Користете заштита од сонце 365 денови во годината, за да ја заштитите вашата кожа и да го одложите настанувањето на фините линии, брчките и хиперпигментацијата на кожата.

ЗА КОРИСТЕЊЕ НА ТОЧНОТО НИВО НА СПФ

СПФ е количината на заштита што една крема може да ја даде против УВБ зраците. По правило, треба да биде 15, или повисоко – идеално, 30+ доколку го поминувате времето надвор. Како и да е, кога планинарите, или скијате на поголема надморска височина, или сте на плажа, користење на крема со СПФ50 е задолжително. Имајте на ум дека ризикот од оштетување на кожата е најголем кај луѓето со светол тен и коса, пеги и бенки¹, па ако сте дел од оваа група треба секогаш да користите минимум фактор 30, или 50.

ЗА ЗАДОЛЖИТЕЛНА ПРОВЕРКА НА СОСТОЈКИТЕ

Има два типа на креми за заштита од сонце: креми со хемиски филтри, кои ги апсорбираат сончевите зраци, пенетрирајќи длабоко во кожата и креми со физички (минерални) филтри, кои ги рефлектираат сончевите зраци, одбивајќи ги од површината на кожата. За жал, некои хемиски креми за заштита од сонце содржат состојки кои всушност можат да направат повеќе штета, отколку добро. Внимавајте на хемиските филтри како Octinoxate и Oxybenzone – студиите детектираа здравствени ризици поврзани со овие филтри, од таложење во кожата до иритација и потенцијални ендокрини нарушувања. Покрај тоа што овие состојки се штетни за вашето здравје, тие исто така претставуваат еколошка закана, загрозувајќи го морскиот свет и коралните гребени. За среќа, кремите за заштита од сонце базирани на минерали се безбедна алтернатива. Секогаш барајте формули кои содржат Zinc Oxide, или Titanium Dioxide, кои се безбедни и за вас и за планетата.

ЦРНА ЛИСТА

Бидете свесни за овие потенцијално загрижувачки состојки кои може да се најдат во кремите со хемиски филтри, за заштита од сонце:

OXYBENZONE (Benzophenone-3) - Штетен за човечкото здравје и морскиот свет, делува како естроген во телото² и е поврзан со ендометриозата кај жените³. Може да предизвика алергиски реакции⁴ и дури е детектиран во мајчиното млеко.

OCTINOXATE (Ethylhexyl Methoxycinnamate) - Исто така е најден во човековото тело, вклучувајќи и примероци од мајчино млеко⁵. Студиите покажуваат можни алергиски реакции⁴, слични на хормонска активност и ефект на репродуктивниот систем⁶.

OCTOCRYLENE (Octocrilene) - Може да предизвика алергиски реакции на кожата⁷.

HOMOSALATE (2-hydroxy-, 3,3,5-trimethylcyclohexylester) - Доказите кажуваат дека го нарушува естрогенот, андрогенот и прогестеронот⁹. Исто така е детектиран во мајчиното млеко⁵.

AVOBENZONE (Butyl Methoxydibenzoylmethane) - Студиите покажуваат дека се разградува од сонцето, ослободувајќи слободни радикали. Исто така е поврзан со имунотоксичност или алергии⁸.

ETHYLHEXYL SALICYLATE (Octisalate) - Студиите покажуваат докази на пенетрација во кожата¹⁰ и алергиски реакции¹¹.


ЗА КОРИСТЕЊЕ НА ШИРОК СПЕКТАР НА КРЕМИ ЗА ЗАШТИТА ОД СОНЦЕ

УВА и УВБ зраците се штетни на различен начин – првите се одговорни за предвремено стареење, додека вторите за изгореници од сонцето. Крема која ве заштитува само од еден од двата типа, нема да ви обезбеди целосна заштита, па определете се за широкоспектарно решение.

Бидејќи голем дел од денот го поминуваме покрај нашите електронски уреди, уште еден фактор кој треба да се земе во предвид, е заштитата од сината светлина од нашите телефони и лаптоп компјутери – студиите укажуваат дека таа потенцијално допринесува за стареење на кожата. За среќа, широкоспектарните минерални креми за заштита со Zinc Oxide, или, Titanium Dioxide ја заштитуваат вашата кожа и од сината светлина, па имате добитна комбинација.

ЗА ЗБОГАТУВАЊЕ НА ВАШИОТ СПФ СО АНТИОКСИДАНТИ

СПФ и антиоксидантите се навистина спој од соништата – делувајќи како зајакнувачи на вашиот СПФ, тие ја неутрализираат штетата од слободните радикали, предизвикана од изложеноста на сонце.

Најлесниот начин да ги уживате овие бенефити е да користите крема за заштита од сонце полна со антиоксиданти како SPF50 /ULTRA-SHIELD КРЕМА ЗА ЛИЦЕ ЗА ЗАШТИТА ОД СОНЦЕ, или SPF30 / AGE-DEFYING КРЕМА ЗА ЛИЦЕ ЗА ЗАШТИТА ОД СОНЦЕ од брендот MADARA. Исто така наша препорака се кремите ALGA MARIS / IVORY ПИГМЕНТИРАНА КРЕМА ЗА ЛИЦЕ СО SPF50 или ALGA MARIS / СПРЕЈ ЗА ЛИЦЕ И ТЕЛО СО SPF50+ од брендот LABARATOIRES DE BIARRITZ. Алтернативно, можете да користите самостоен производ за нега, богат со антиоксиданти – можностите се бесконечни, но ние ви препорачуваме употреба на креми кои содржат Lycopene или Витамин E за да ја третирате кожата по изложувањето на сонце.

ПРОТИВ КОРИСТЕЊЕ НА КРЕМИ ЗА ЗАШТИТА СО ПОМИНАТ РОК

Постои причина зошто има рок на употреба на вашата крема за заштита од сонце – вредните состојки кои ја заштитуваат вашата кожа од сонцето оксидираат со текот на времето и стануваат помалку ефективни. Топлината и сонцето исто така можат да ја намалат ефикасноста, уште пред истекувањето на рокот, па ослободете се од половично употребените амбалажи со крема со заштитен фактор од минатото лето.

ПРОТИВ ПОТПИРАЊЕ НА ШМИНКАТА КАКО ЕДИНСТВЕНА ЗАШТИТА ОД СОНЦЕ

Шминката кој има ниска СПФ заштита беспрекорно се вклопува во вашата рутина за убавина, правејќи одличен избор за едноставна секојдневна заштита додека сте внатре, или патувате на работа во нормален ден. Сепак, не секогаш ќе биде доволно – доколку планирате да поминете поголем дел од времето надвор, обидете се да ставите слој на крема за заштита од сонце под вашата шминка, за подобра заштита.

ПРОТИВ НЕДОВОЛНО НАНЕСУВАЊЕ

Веројатно сите ние сме виновни за недоволно нанесување на крема за заштита од сонце, но дарежливото нанесување е навистина клучот за да обезбедите заштита на вашата кожа. Користете количина еквивалентна на една чашка за ракија (или, околу две супени лажици) за да го покриете целото тело. И само затоа што на амбалажата пишува СПФ50, тоа не значи дека треба да нанесете помалку од производот.

ПРОТИВ МИСЛЕЊЕТО ДЕКА ПОТЕМНИОТ ТЕН ВЕ ЗАШТИТУВА ОД УВ ЗРАЦИТЕ

Луѓето со потемен тен не можат да изгорат толку лесно, за разлика од оние со светол тен, но тие се еднакво подложни на долгорочните штетни ефекти на УВ зраците – само штетата не е веднаш толку очигледна. Сите, без оглед на бојата на кожата треба да користат адекватна количина на крема за заштита од сонце.

ПРОТИВ ОЧЕКУВАЊАТА ЕДНО НАНЕСУВАЊЕ ДА ТРАЕ ЦЕЛ ДЕН

Новост: кремата за заштита од сонце не трае цел ден – потта, водата, триењето и УВ зраците ја распаѓаат. Генерално е препорачливо да се повторува нанесувањето на кремата на неколку часа, со цел да се добие најдобрата заштита. Кремите со SPF со физички филтри обезбедуваат подолготрајна заштита, па не е потребно редовно повторно нанесување, сепак повторувањето на постапката се препорачува по бришење со крпа, пливање и физичка активност.

ВАШИТЕ ПОМОШНИЦИ ЗА ЗАШТИТА ОД СОНЦЕ

CALENDULA / КРЕМА ЗА ЛИЦЕ И ТЕЛО СО SPF50

PINK CALENDULA / ПИГМЕНТИРАНА КРЕМА ЗА ЛИЦЕ И ТЕЛО СО SPF50

ALGA MARIS / IVORY ПИГМЕНТИРАНА КРЕМА ЗА ЛИЦЕ СО SPF50

ALGA MARIS / BEIGE ПИГМЕНТИРАНА КРЕМА ЗА ЛИЦЕ СО SPF30

ALGA MARIS / IVORY ПИГМЕНТИРАНА КРЕМА ЗА ЛИЦЕ СО SPF30

SPF 50 / PRO-ACTIVE СТИК ЗА ЗАШТИТА ОД СОНЦЕ

SPF 50 / ULTRA-SHIELD КРЕМА ЗА ЛИЦЕ ЗА ЗАШТИТА ОД СОНЦЕ

SPF 30 / AGE-DEFYING КРЕМА ЗА ЛИЦЕ ЗА ЗАШТИТА ОД СОНЦЕ


РЕФЕРЕНЦИ

(1) Brenner, B. and Hearing, J. V. 2008. The Protective Role of Melanin Against UV Damage in Human Skin. Photochem Photobiol. 84(3): 539–549.

(2) Kunz PY, Galicia HF, Fent K. 2006. Comparison of in vitro and in vivo estrogenic activity of UV filters in fish. Toxicol Sci 90(2): 349-361.

(3) Kunisue, T. 2012. Environmental Science and Technology.

(4) Rodriguez E, Valbuena MC, Rey M, Porras de Quintana L. 2006. Causal agents of photoallergic contact dermatitis diagnosed in the national institute of dermatology of Colombia. Photodermatol Photoimmunol Photomed 22(4): 189-192.

(5) Schlumpf M, Kypke K, Birchler M, Durrer S, Faass O, et al. 2008. Endocrine Active UV Filters: Developmental Toxicity and Exposure Through Breast Milk. Chimia 62: 1-7.

(6) Schneider S, Deckardt K, Hellwig J, Mellert W, Schulte S, van Ravenzwaay B. "Octyl methoxycinnamate: two generation reproduction toxicity in Wistar rats by dietary administration."

(7) de Groot AC, Roberts DW. 2014. Contact and photocontact allergy to octocrylene: a review. Contact Dermatitis. 70(14):193-204.

(8) Stitt WZD, Scott GA, Martin RE, Gaspari AA. 1996. Multiple chemical sensitivities, including inatrogenic allergic contact dermatitis, in a patient with chronic actinic dermatitis: implication for management. American Journal of Contact Dermatitis 7(3): 166-170.; Buckley D, Wayte J, O.

(9) Krause M, Kilt A, Blomberg Jensen M, et al. 2012. Sunscreens: are they beneficial for health? An overview of endocrine disrupting properties of UV-filters. Int J Andrology. 424–436.

(10) Walters KA, Brain KR, Howes D, et al. 1997. Percutaneous penetration of octyl salicylate from representative sunscreen formulations through human skin in vitro. 1219-1225.

(11) Singh M, Beck MH. 2007. Octyl Salicylate: a new contact sensitivity. Contact Dermatitis

Најгоре