Природна и органска козметика

ПРИРОДНА И ОРГАНСКА КОЗМЕТИКА

И покрај последните напредоци во козметичката индустрија, квалитетот на огромен број "mass-market" производи е сеуште премногу низок. Синтетичките состојки во составот на производите, често предизвикуваат иритации, алергии и други несакани реакции. Токму затоа природната и органска козметика станува се попопуларна меѓу потрошувачите на глобално ниво. Природните производи за нега и убавина се високо ефикасни, составени се од природни состојки, не содржат штетни синтетички компоненти и се целосно безбедни за Вашето здравје.

Природната козметика се произведува под строга супервизија на меѓународните организации за сертифицирање како BDIH (Германија), ECOCERT (Франција), COSMEBIO (Франција), ICEA (Итаија), USDA ORGANIC (САД) и многу други. За да се сертифицира една козметика како природна, производите мора да содржат состојки од природно потекло (органско и минерално), да подлежат на серија лабораториски испитувања и да не бидат никогаш тестирани на животни. Со тоа, природната козметика на ниту еден начин не и штети и не ја нарушува животната околина.

Органската козметика пак, има уште построги стандарди за производство. Органските производи мора да содржат најмалку 95% природни состојки во својот состав од растиетлно (неживотинско) потекло. Не смеат да користат состојки штетни за околината, не смеат да бидат тестирани на животни и исто така мора да поседуваат сертификат за органско производство од една од меѓународните организации за сертифицирање. Органските производи не содржат претрохемикалии, колоранти, конзерванси и други штетни состојки од синтетичко потекло.